Bakı. 27 sentyabr. REPORT.AZ/ Portuqaliyalı hücumçu Kriştianu Ronaldu Madrid "Real"ının heyətində 400-cü oyununa çıxıb.
"Report" xəbər verir ki, futbolçunun yubiley matçı Çempionlar Liqasının II turu çərçivəsində səfərdə "Borussiya Dortmund"ilə oyuna təsadüf edib.
Bu qarşılaşma Ronaldo üçün həm də dubl etməklə əlamətdar olub. Futbolçu bununla da İspan klubunda vurduğu qolların sayını 411-ə çatdırıb.
Görüş 3:1 hesabı ilə "Kral klubu"nun xeyrinə başa çatıb.