Ronaldo dünyanın ən yaxşı futbolçusu mükafatına layiq görülüb

Bakı. 28 dekabr. REPORT.AZ/ İspaniyanın "Real" klubunun portuqaliyalı hücumçusu Kriştiano Ronaldo dünyanın ən yaxşı futbolçusu – "Globe Soccer Awards" mükafatına layiq görülüb.

"Report" xəbər verir ki, bu barədə mükafatın mətbuat xidmətinin məlumatında bildirilir.

Təqdimetmə mərasimi Dubay şəhərində baş tutub. "Real Madrid" ilin ən yaxşı klubu, 2016-cı ildə Avropa çempionu olan Portuqaliya futbol yığmasının baş məşqçisi Fernandu Santuş ən yaxşı məşqçi, ingilis Mark Klattenburq isə ən yaxşı hakim seçilib.

Bu mükafat 2010-cu ildə Avropa Futbol Agentləri Assosiasiyası və Avropa Klubları Assosiasiyası tərəfindən təsis edilib.