“Roma”nın baş məşqçisi: “Qarabağ” hamının həyatını çətinləşdirdi”

“Roma”nın baş məşqçisi: “Qarabağ” hamının həyatını çətinləşdirdi” "Avropada zəif komanda yoxdur"
Futbol
136
1 Noyabr , 2017 12:26
“Roma”nın baş məşqçisi: “Qarabağ” hamının həyatını çətinləşdirdi”

Bakı. 1 noyabr. REPORT.AZ/ "Qarabağ” hamının həyatını çətinləşdirdi. Bu barədə əvvəl də demişdim. Avropada zəif komanda yoxdur”. 

“Report” “İl Romanista”ya istinadən xəbər verir ki, bunu İtaliya təmsilçisi “Roma”nın baş məşqçisi Eusebio Di Françesko Çempionlar Liqasının (ÇL) C qrupunda yaranmış vəziyyəti şərh edərkən deyib.

Oktyabrın 31-də IV tur çərçivəsində “Roma” evdə İngiltərə “Çelsi”si üzərində 3:0 hesablı qələbə qazandığı halda, “Qarabağ” İspaniyada “Atletiko” ilə heç-heçə edib – 1:1. 

48 yaşlı italiyalı mütəxəssisin fikrincə, beynəlxalq matçlarda bütün kollektivlər qələbəyə oynayırlar və nəticə qazanmağa çalışırlar: “Çempionlar Liqasında 1/8 final mərhələsinə vəsiqə qazanacağımıza əvvəl də inanırdıq, indi də. Bunu bacarmağa yaxınıq, lakin danışmaq üçün tezdir. Böyük qələbədir, lakin təkcə mənim deyil, hamımızındır”.

Qeyd edək ki, 4 turdan sonra İtaliya təmsilçisi “Roma” 8 xalla C qrupunun lideridir. İngiltərənin “Çelsi” komandasının 7, “Atletiko”nun 3, “Qarabağ”ın isə 2 xalı var. İlk iki yeri tutan kollektivlər 1/8 finala yüksələcəklər. Üçüncü yerin sahibi isə mübarizəni Avropa Liqasında davam etdirəcək.

Son xəbərlər

Orphus sistemi