"Roma"nın 3 futbolçusu koronavirusa yoluxdu

İtaliyanın "Roma" klubunun 3 futbolçusunda koronavirus aşkarlanıb.

"Report" "Football Italia" nəşrinə istinadən xəbər verir ki, Federiko Fasio, Davide Santon və Lorentso Pelleqrinidən götürülmüş analiz nəticələri müsbət çıxıb.

Hər 3 oyunçu dərhal karantinə alınıb.

Qeyd edək ki, daha əvvəl "Roma"nın hücumçusu Edin Cekonun infeksiyaya yoluxduğu məlum olub.