"Roma" baş məşqçisi ilə vidalaşır - RƏSMİ

İtaliyanın "Roma" klubu cari mövsümün sonunda baş məşqçisi Paulu Fonseka ilə yollarını ayıracaq.

"Report"un məlumatına görə, bu barədə paytaxt təmsilçisinin rəsmi saytı xəbər yayıb.

Bildirilib ki, portuqaliyalı mütəxəssisin iyunun 30-da başa çatacaq müqaviləsi yenilənməyəcək.

Qeyd edək ki, Paulu Fonseka 2019-cu ilin iyulundan "Roma"ya başçılıq edirdi. O, "canavarlar"la heç bir titul qazana bilməyib.