Robert Prosineçki "Qarabağ"ın qolunu saymayan baş hakimi özbaşınalıqda ittiham edib

Robert Prosineçki "Qarabağ"ın qolunu saymayan baş hakimi özbaşınalıqda ittiham edib "Başa düşmürəm, nəyə görə təmiz qolu qeydə almadı?!"
Futbol
180
12 Dekabr , 2014 13:24
Robert Prosineçki Qarabağın qolunu saymayan baş hakimi özbaşınalıqda ittiham edib
Bakı. 12 dekabr. REPORT.AZ/ Azərbaycan milli komandanın baş məşqçisi Robert Prosineçki UEFA Avropa Liqasının qrup mərhələsində keçirilmiş “Qarabağ” – “İnter” oyunu ilə bağlı fikirlərini bildirib. "Report"un məlumatına görə, affa.az saytına açıqlamasında Ağdam komandasının qaydalar çərçivəsində vurduğu qolun qeydə alınmamasına da toxunub.

“Azərbaycan futbol tarixinin ən vacib oyunlarından biri idi. İlk dəfə bir Azərbaycan klubu 1/16 final mərhələsinə vəsiqə qazanmağa bu qədər yaxınlaşmışdı. “Qarabağ”ın son dəqiqələrdə qaydalara uyğun vurduğu qolu çexiyalı referi qeydə almadı. Bir nəfərin özbaşınalığı, ağlasığmaz qərarı bütün Azərbaycan xalqını məyus etdi. Başa düşmürəm, nəyə görə hakim təmiz qolu qeydə almadı?! “Qarabağ” həmin oyunda qalib gəlməliydi. Təəssüf ki, onun bu qərarı azarkeşlərin qəlbində silinməz iz qoydu" deyə Prosineçki bildirib.

Millinin üzvlərinə gəlincə, Prosineçkinin fikrincə, onlar bəzi epizodlarda daha yaxşı oynaya bilərdilər. Ümumilikdə isə baş məşqçi yerli futbolçuların çıxışından razılıq ifadə edib: "Onların potensialına bələdəm. Bilirəm ki, dünənkindən də yaxşı oynaya bilərlər. Xüsusilə, gənc oyunçuların potensialını qeyd etmək, onların üzərində işləmək lazımdır. Ad çəkmək istəmirəm. Hamı bilir ki, söhbət kimlərdən gedir. Onlar öz üzərilərində daha çox işləməlidirlər. Aşağı yaş qruplarından ibarət yığmalarda da istedadlı, potensialı yüksək olan uşaqlar var. Onları düzgün istiqamətləndirib bacarıqlarından istifadə etməliyik”.

Qeyd edək ki, çexiyalı baş hakim Miroslav Zelinkanın yanlış qərarı üzündən "Qarabağ" Avroliqanın 1/16 finalına vəsiqə qazana bilməyib. 

Son xəbərlər

Orphus sistemi