Rəcəb Tayyib Ərdoğan "Fənərbağça"nın oyunundan sonra azərbaycanlı hakim-inspektor Asim Xudiyevlə görüşüb - VİDEO

Bakı. 4 avqust. REPORT.AZ/ Türkiyə Prezidenti Rəcəb Tayyib Ərdoğan Avropa Liqasının pley-off mərhələsinə vəsiqə qazanan “Fənərbağça” komandasının paltardəyişmə otağını ziyarət edib.

“Report”un məlumatına görə, dövlət başçısı Avstriya təmsilçisi “Şturm”la III təsnifat mərhələsinin İstanbulda baş tutan cavab matçından sonra belə bir addım atıb.

R.T.Ərdoğanın əlini sıxdığı şəxslər arasında qarşılaşmanın azərbaycanlı hakim-inspektoru Asim Xudiyev də olub.

Qeyd edək ki, səfərdə “Şturm”u 2:1 hesabı ilə məğlub edən “Fənərbağça” evdə 1:1-lik heç-heçə etməklə pley-offa adlayıb.