"Real" Ronaldunun son dəqiqələrdə vurduğu qol sayəsində məğlubiyyətdən qaçıb - VİDEO

Bakı. 19 aprel. REPORT.AZ/ Madridin "Real" klubu futbol üzrə İspaniya çempionatının 33-cü turunda "Atletik Bilbao" ilə heç-heçə edib

“Report” xəbər verir ki, "Santyaqo Bernabeu" stadionunda keçirilən görüş 1:1 hesabı ilə başa çatıb.

Matçın 14-cü dəqiqəsində qonaqlar İnyaki Uilyamsın qolu ilə hesabda irəli çıxıblar. Görüşün 87-ci dəqiqəsində isə Kriştianu Ronaldu komandasını məğlubiyyətdən xilas edib.

"Real" 68 xalla turnir cədvəlində üçüncü yerdə qərarlaşıb, "Atletik" 40 xalla 13-cüdür.

İspaniya Primerası. 33-cü tur

"Real Madrid" – "Atletik B" - 1:1

Qollar: 0:1 – Uilyams – 14, 1:1 – Ronaldu – 87