"Real Madrid" Serbiya millisinin hücumçusunu icarəyə verdi

İspaniya "Real Madrid"inin futbolçusu Luka Yoviç karyerasını yenidən Almaniya Bundesliqasında davam etdirəcək.

"Report" "Marca"ya istinadən xəbər verir ki, serbiyalı hücumçu sabiq komandası "Ayntraxt"a icarəyə verilib.

Tərəflər arasında rəsmi müqavilənin yaxın günlərdə imzalanacağı bildirilir.

Qeyd edək ki, Luka Yoviç 2019-cu ildə "Real Madrid"ə məhz Frankfurt təmsilçisindən keçib. "Kral klubu" bu transfer üçün 60 milyon avro təzminat ödəyib.