"Real Madrid" Benzema ilə müqaviləni yeniləyir

İspaniyanın "Real Madrid" klubu əsas hücumçusu Kərim Benzema ilə müqavilənin müddətini uzatmaq niyyətindədir.

"Report"un məlumatına görə, Madrid təmsilçisi 34 yaşlı hücumçunun 2023-cü ilin yayınadək komandada qalmasını istəyir.

Fransalı forvardın hazırkı sözləşməsi 2022-ci ilin yayında başa çatır.

Qeyd edək ki, Kərim Benzema cari mövsüm "Real Madrid"in heyətində 33 oyuna 22 qol vurub. O, 2015-ci ildən sonra ilk dəfə Fransa yığmasının heyətinə də çağırılıb.