Qurban Qurbanovun anası dəfn edilib - FOTO

Qurban Qurbanovun anası dəfn edilib - FOTO Güləbatın xanım ilə Zaqatala rayonunda vida mərasimi keçirilib
Futbol
274
18 Aprel , 2017 14:27
Qurban Qurbanovun anası dəfn edilib - FOTO
Report.az

Zaqatala. 18 aprel. REPORT.AZ/ "Qarabağ" futbol komandasının baş məşqçisi Qurban Qurbanovun anası dəfn edilib.

"Report"un Şimal-Qərb bürosunun məlumatına görə, Q.Qurbanovun anası Güləbatın xanım ilə Zaqatala rayonunda vida mərasimi keçirilib. Daha sonra o, rayonun Aşağı Tala kəndinin qəbiristanlığında dəfn edilib. 

Dəfn mərasimində "Qarabağ" klubunun kollektivi, Zaqatala Rayon İcra Hakimiyyətinin rəsmiləri, rayon ictimaiyyətinin nümayəndələri və mərhumun yaxınları iştirak ediblər.

Qeyd edək ki, 45 yaşlı mütəxəssisin anası Güləbatın xanım bu gecə dünyasını dəyişib.

Azərbaycan Futbol Federasiyaları Assosiasiyasının rəhbərliyi ölkə futbol ictimaiyyəti adından AFFA-nın İcraiyyə Komitəsinin üzvü, “Qarabağ”ın baş məşqçisi Qurban Qurbanova anası Güləbatın xanımın vəfatından kədərləndiyini bildirir, mərhumun ailəsinə və yaxınlarına dərin hüznlə başsağlığı verir. Eyni məzmunlu başsağlığı mətnini "Qarabağ"ın icarəyə götürdüyü Tofiq Bəhramov adına Respublika stadionu da kollektivi adından yayımlayıb.

Allah rəhmət eləsin!

Son xəbərlər

Orphus sistemi