Qurban Qurbanov: "Təxribatlar futbolçularıma daha da güc verir"

Qurban Qurbanov: "Təxribatlar futbolçularıma daha da güc verir" "Qarabağ"ın baş məşqçisi Qurban Qurbanov Azərbaycan klublarının Kipr təmsilçiləri ilə görüşlərdə üzləşdikləri təxribatlara münasibət bildirib.
Futbol
663
24 Noyabr , 2021 12:43
Qurban Qurbanov: Təxribatlar futbolçularıma daha da güc verir
Qurban Qurbanov

"Qarabağ"ın baş məşqçisi Qurban Qurbanov Azərbaycan klublarının Kipr təmsilçiləri ilə görüşlərdə üzləşdikləri təxribatlara münasibət bildirib.

"Report" xəbər verir ki, 49 yaşlı mütəxəssis azarkeşlərin çılğınlığını normal qarşıladığını söyləyib.

Onun fikrincə, bela hallar futbolçuların mübarizəsini daha da artırır: "Meydana su şüşəsi və ya başqa yad əşyalar atmaq azarkeşlərin çılğınlığından irəli gəlir. Fransa çempionatında “Lion” – “Marsel” oyununun əvvəlində bu tip hadisələr yaşanıb və hətta matç yarımçıq dayandırılıb. Bunlar normal hallardır".

Qurbanovun sözlərinə görə, azarkeşlərin çılğınlığı ilə təxribatlar fərqli anlayışlardır: "Bizə qarşı bəzən başqa təxribatlar olub. Belə hallar futbolçularıma, əksinə, daha da güc-qüvvə verir. Deməsəm belə, daha da istəkli olurlar, yaxşı mübarizə aparmağı düşünürlər. Amma belə bir fikir yoxdur ki, mütləq udmalı, 3-5 qol vurmalıyıq. Bu cür düşüncə bizə mane ola bilər".

Son xəbərlər

Orphus sistemi