Bakı. 28 iyun. REPORT.AZ/ 2018/2019-cu illər mövsümünün hazırlıqlarını Sloveniyada davam etdirən "Qəbələ” komandası bu gün ikinci yoxlama oyununu keçirib.
"Report"un məlumatına görə, "qırmızı-qaralar” Xorvatiyanın "Dinamo” klubu ilə qarşılaşıblar.
Murska Sobota şəhərinin "Mura” stadionunda baş tutmuş görüş Zaqreb təmsilçisinin qələbəsi ilə yekunlaşıb. İlk yarıda qapısını toxunulmaz saxlayan "Qəbələ"ni 64-cü dəqiqədə İvan Sunyiç, 86-cı dəqiqədə isə Antonio Marin məyus edib.
Yoxlama oyunu
20:00. "Qəbələ" - "Dinamo" (Zaqreb) - 0:2
Qollar: İvan Sunyiç, 64. Antonio Marin, 86
Murska Sobota (Sloveniya), "Mura" stadionu
"Qəbələ” ilk yoxlama oyununda Albaniyanın "Kukesi” klubu ilə qarşılaşıb. Matç 1:1 hesablı heç-heçə ilə başa çatıb.