"Qəbələ" növbəti xal itkisi ilə "Qarabağ"dan 12 xal geri düşüb

Bakı. 8 aprel. REPORT.AZ/ Futbol üzrə Azərbaycan Premyer Liqasında XXII turun növbəti oyunu keçirilib.

"Report"un məlumatına görə "Zirə" doğma azarkeşlər önündə "Qəbələ" ilə üz-üzə gəlib. Qarşılaşma 1:1 hesablı heç-heçə ilə başa çatıb. 

Görüşün birinci hissəsində qapılara qol vurulmayıb. Hesabı 53-cü dəqiqədə "Zirə" komandası açıb. Meydan sahiblərinin heyətində Milan Duriç penaltidən fərqlənib. Bərabərlik qolu isə 78-ci dəqiqəyə təsadüf edib. Stiven Monroz oyunda son nöqtəni qoyub.

Bununla da xallarını 41-ə çatdıran "Qəbələ" lider "Qarabağ"ın 12 xal gerisinə düşüb. Xallarını 35-ə çatdıran "Zirə" isə eyni xala malik "Sumqayıt"ı şəxsi göstəricilərdə üstələyərək, 3-cü pilləyə yüksəlib.

Qeyd edək ki, tura "Neftçi" - "Sumqayıt" matçı ilə yekun vurulacaq.

Azərbaycan Premyer Liqası

XXII tur

8 aprel (bazar)

16:30. "Zirə” – "Qəbələ” - 1:1

Qollar: Milan Duriç, 54-p - Stiven Monroz, 78

Hakimlər: Rəvan Həmzəzadə, Nahid Əliyev, Vaqif Musayev, Ömər Paşayev

AFFA nümayəndəsi: Sakin Məmmədzadə

Hakim-inspektor: Asim Xudiyev

Zirə İdman Kompleksinin stadionu

İlk üç dövrə: 1:1, 2:1, 1:2