"Qəbələ”nin sabiq futbolçusu Oleksiy Antonovun yeni klubu müəyyənləşib

 Bakı. 1 mart. REPORT.AZ/ "Qəbələ”nin sabiq futbolçusu Oleksiy Antonovun yeni klubu müəyyənləşib.

"Report"un məlumatına görə, Ukaynanın "Çernomorets” klubundan ayrılan hücumçu Latviyanın "Ventspils" klubu ilə müqavilə imzalayıb. Müqavilənin şərtləri açıqlanmayıb.

Qeyd edək ki, Antonov 2015/16 mövsümündə "Qəbələ”də oynayıb. 31 yaşlı hücumçu "qırmızı-qaralar”ın heyətində 49 oyunda iştirak edib və 8 dəfə fərqlənib.