​"Qəbələ"nin rəqibi növbəti oyununu keçirib

Bakı. 9 avqust. REPORT.AZ/ "Qəbələ"nin Avropa Liqasının "pley-off" mərhələsindəki rəqibi "Maribor" klubu Sloveniya çempionatında növbəti matçını keçirib.

"Report"un məlumatına görə, klubun budəfəki rəqibi "Lyublyana" olub.

Qarşılaşma 1:1 hesabı ilə yekunlaşıb. "Maribor" 4 turdan sonra 8 xalla 3-cü pillədə qərarlaşıb.

Qeyd edək ki, "Qəbələ" və "Maribor" komandaları arasında ilk matç avqustun 18-də Bakıda, cavab oyunu isə bir həftə sonra Sloveniyada keçiriləcək.