Bakı. 13 sentyabr. REPORT.AZ/ "Düzünü desəm, ağır oyun oldu. Hazırda biz gərgin qrafiklə işləyirik. Qalib gəlməyə çalışdıq".
"Report" xəbər verir ki, bunu "İnter"lə oyundan sonra "Qəbələ"nin (2:1) futbolçusu Arif Daşdəmirov bildirib.
"İnter" klubunun yaxşı təşkil olunduğunu bildirən futbolçu, bir neçə səhv ucbatından belə acınacaqlı qollar buraxdıqlarını qeyd edib:
"Şansımız oldu. Bir qol vurduq, başqa qol məqamlarımız da oldu. Qorxulu bir şey yoxdu. Bu futboldu, hər şey olur. Növbəti oyunlara hazırlaşmaq lazımdır. Üzərimizdə işləyib, qalib gəlməliyik".