"Qəbələ"nin baş məşqçisi: "Oyunun ədalətli nəticəsi heç-heçə idi"

"Qəbələ"nin baş məşqçisi: "Oyunun ədalətli nəticəsi heç-heçə idi" "İndiki durumda futbol ikinci plana keçir. Komanda olaraq bütün fikrimiz cəbhə bölgəsindədir. Hər gün Ordumuzdan yeni zəfərlər gözləyirik. İnanırıq ki, Ordumuz bizi sevindirəcək və öz torpaqlarımızı qaytaracağıq".
Futbol
907
3 Oktyabr , 2020 16:41
Qəbələnin baş məşqçisi: Oyunun ədalətli nəticəsi heç-heçə idi
Elmar Baxşıyev

"İndiki durumda futbol ikinci plana keçir. Komanda olaraq bütün fikrimiz cəbhə bölgəsindədir. Hər gün Ordumuzdan yeni zəfərlər gözləyirik. İnanırıq ki, Ordumuz bizi sevindirəcək və öz torpaqlarımızı qaytaracağıq".

"Report"un məlumatına görə, bunu "Qəbələ"nin baş məşqçisi Elmar Baxşıyev Azərbaycan Premyer Liqasının V turunda evdə "Sumqayıt"la 1:1 hesablı heç-heçə etdikləri oyundan sonra keçirilən mətbuat konfransında deyib.

40 yaşlı mütəxəssis rəqibin yaxşı komanda olduğunu bildirib: "Oyuna gəlincə, çətin olacağını bilirdik. “Sumqayıt” gənclərdən yaxşı təşkil olunmuş komandadır. Rəqib sürətli futbolu xoşlayır. Matça yaxşı hazırlaşmışdıq. Oyunun ədalətli nəticəsi heç-heçə idi. Artıq 5 tur keçib. Hər qarşılaşmada hücumda oynayır, sırf arxa xətdə oturmuruq.  Mən müdafiə futbolunu xoşlamıram. Müdafiədə olanda da hücumu düşünürük. Oyun ərzində yaratdığımız epizodlar da bunu göstərir. İnanıram ki yeni qoşulan Ceyms Adeniyi də komandaya fayda verəcək".

Baş məşqçi futbolçulardan razı qaldığını söyləyib: "Hücumda göstərdiyimiz oyundan məmnunam. Bütün futbolçuları əsas heyət üzvü kimi görürük. Yurgen Qoxanın zədəsi olduğu üçün onu qoruduq ki, durumu daha ciddiləşməsin. Murad Musayevin göstərdiyi əzmkarlıqdan razı qaldıq. Rafael Utziqin əvəzlənməsi yorulması ilə bağlıdır. Həm özü bunu istədi,  həm də hücumda kreativliyi artırmağa çalışdıq".

Son xəbərlər

Orphus sistemi