"Qəbələ"nin aparıcı futbolçusu əməliyyat olunub

"Qəbələ"nin futbolçusu Urfan Abbasov çarpaz bağlarından əməliyyat olunub.

"Report" klubun rəsmi saytına istinadən xəbər verir ki, 30 yaşlı müdafiəçinin cərrahi müdaxiləsi uğurla yekunlaşıb.

Təcrübəli oyunçunun yeni mövsümün startınadək yaşıl meydanlardan kənarda qalacağı gözlənilir.

Qeyd edək ki, hazırda "Qəbələ"də Yaovi Akakpo və Gülağa Əsədov zədədən sonra xüsusi proqram üzrə bərpa prosesi keçir.