"Qarabağ" Rusiya vitse-çempionu ilə yoldaşlıq görüşü keçirəcək

Bakı. 7 iyun. REPORT.AZ/ "Qarabağ"ın Avstriyada keçirəcəyi təlim-məşq toplanışı zamanı ikinci yoldaşlıq görüşündəki rəqibi müəyyənləşib. "Report"un klubun rəsmi saytına istinadən verdiyi məlumata görə, Ağdam komandası Rusiya vitse-çempionu "Rostov"la üz-üzə gələcək. 

Görüş iyunun 28-ində baş tutacaq. Daha öncə "Qarabağ"ın ilk yoxlama matçında Avstriya təmsilçisi "Vakker"lə qarşılaşacağı açıqlanıb. 

Qeyd edək ki, "Rostov"un baş məşqçisi Kurban Berdıyevdir. Hər iki klub 2016-2017 mövsümündə Çempionlar Liqasında mübarizə aparacaq.