"Qarabağ" və "Qəbələ" azarkeş təhqirlərinə görə cərimələnib

AFFA İntizam Komitəsi "Qarabağ" və "Qəbələ" klublarını 4 000 manat məbləğində cərimələyib.

"Report"un məlumatına görə, buna hər iki komandanın azarkeşlərinin Premyer Liqanın IV tur oyununda kütləvi şəkildə təhqiramiz ifadələrə yol verməsi səbəb olub.

"Köhlən atlar"ın fanatları "Şamaxı"nı 4:0 hesabı ilə məğlub etdikləri qarşılaşmada, "qırmızı-qaralar"ın tərəfdarları isə "Sabah"a 0:2 hesabı ilə yenildikləri görüşdə təhqiramiz ifadələr işlədiblər.