"Qarabağ" Monteneqro millisinin futbolçusunu transfer edə bilər

"Qarabağ" Monteneqro millisinin futbolçusu Marko Yankoviçi transfer edə bilər.

"Report" "news.middleeast" saytına istinadən xəbər verir ki, "köhlən atlar" İsrailin "Hapoel" (Təl-Əviv) klubundan ayrılmaq istəyən 27 yaşlı yarımmüdafiəçinin xidmətində maraqlıdır.

İddiaya görə, Ağdam təmsilçisi təcrübəli oyunçunun keçidi üçün qarşı tərəfə 150 000 avro təzminat ödəməlidir.

Qeyd edək ki, Marko Yankoviç ötən ilin yanvarından "Hapoel"də çıxış edir.