"Qarabağ" klubu "Slovan"la matçöncəsi son məşqinə çıxıb

Bakı. 24 noyabr. REPORT.AZ/ Bu gün UEFA Avropa Liqasının qrup mərhələsinin V turunda Azərbaycanın "Qarabağ" klubu səfərdə Çexiyanın "Slovan" komandasının qonağı olacaq.

"Report" xəbər verir ki, komandamız çərşənbə günü qarşılaşmanın keçiriləcəyi "U Nisi" stadionunda son məşqinə çıxıb.

Hazırlıq yerli vaxtla saat 19:00-da (Bakı vaxtı ilə saat 22:00) start götürüb və təxminən 1 saat davam edib.

Qeyd edək ki, "Slovan" - "Qarabağ" matçı bu gün saat 22:00-da start götürəcək.