"Qarabağ"ın sabiq futbolçusu Bolqarıstanın tanınmış klubunda

2019/2020 mövsümünün sonunda "Qarabağ"dan ayrılan futbolçu Faysal Rerras klubunu dəyişib.

"Report" xəbər verir ki, 28 yaşlı müdafiəçi Mərakeşin "Muludia Ucda" klubundan ayrılaraq Bolqarıstanın "Levski" (Sofiya) komandasına keçib.

Mərakeş əsilli belçikalı oyunçu ilə 1,5 illik müqavilə imzalanıb.

Qeyd edək ki, Faysal Rerras "Qarabağ"ın formasını 2019/2020 mövsümündə geyinib. "Levski" Bolqarıstan çempionatında 15 xalla 16 komanda arasında 9-10-cu yerləri bölüşdürür.