"Qalatasaray" Muslera ilə 3 illik müqavilə imzalayır - RƏSMİ

Türkiyə "Qalatasaray"ı oyunçusu Fernando Muslera ilə müqavilənin müddətini uzadır.

"Report" klubun rəsmi saytına istinadən xəbər verir ki, artıq tərəflər arasında 3 illik yeni sözləşmə ilə bağlı razılıq əldə olunub.

35 yaşlı uruqvaylı qapıçı sabah təşkil olunacaq mərasimdə müqaviləyə imza atacaq.

Qeyd edək ki, Fernando Muslera 2011-ci ildən "Qalatasaray"da çıxış edir. O, Superliqa təmsilçisinə İtaliyanın "Latsio" klubundan keçib.