"Qalatasaray"ın sabiq futbolçusu Sloveniya klubuna baş məşqçi təyin olunub

İspaniyalı mütəxəssis Albert Riera karyerasını Sloveniyada davam etdirəcək.

"Report" xəbər verir ki, 41 yaşlı mütəxəssis "Çelye"nin baş məşqçisi təyin olunub.

Bu barədə klubun rəsmi saytı məlumat yayıb. Riera daha əvvəl bu ölkədə "Olimpiya"nın sükanı arxasında olub.

Qeyd edək ki, İspaniya millisinin sabiq futbolçusu İngiltərədə "Liverpul", Türkiyədə "Qalatasaray" kimi klubların formasını geyinib.