"Qalatasaray"ın futbolçusunda koronavirus aşkarlanıb

Türkiyənin "Qalatasaray" klubunun futbolçusu Omar Elabdellauidə koronavirus aşkarlanıb.

"Report" İstanbul təmsilçisinin rəsmi saytına istinadən xəbər verir ki, karantinə alınan Mərakeş əsilli norveçli müdafiəçinin müalicəsinə başlanılıb.

Qeyd edək ki, 2020-ci ilin dekabrında əlində fişəng partladığı üçün üzündən xəsarət alan 31 yaşlı oyunçu zədədən yenicə qayıtmışdı.