"Qalatasaray"ın futbolçusunda koronavirus aşkarlandı

Türkiyənin "Qalatasaray" komandasında son koronavirus testlərinin nəticələri açıqlanıb.

"Report" klubun rəsmi saytına istinadən xəbər verir ki, İstanbul təmsilçisinin bir futbolçusunda infeksiya aşkarlanıb.

Virusa yoluxmuş oyunçunun adı açıqlanmayıb. Onun karantinə alındığı bildirilib.

Qeyd edək ki, "Qalatasaray" fevralın 10-da Türkiyə kubokunun 1/4 final mərhələsində "Alanyaspor"u qəbul edəcək.