Bakı. 17 may. REPORT.AZ/ Portuqaliyanın "Portu" klubu qapıçısı İker Kasilyas ilə müqavilənin müddətini daha bir il uzadıb.
"Report" klubun saytına istinadən xəbər verir ki, 37 yaşlı qolkiper 2019-cu ilin iyun ayına kimi Portuqaliya təmsilçisində çıxış edəcək.
Qeyd edək ki, İker Kasilyas 2015-ci ildən "Portu"nun şərəfini qoruyur. O, bu mövsüm komandası ilə ölkə çempionluğunu qazanıb.