Pele Messidən üzr istəyib

Pele Messidən üzr istəyib Futbol üzrə üçqat dünya çempionu, braziliyalı Pele özünün instaqramdakı hesabında Argentina yığmasının və Fransanın "Pari Sen-Jermen” klubunun hücumçusu, 34 yaşlı Lionel Messidən onu öz rekordunun üstələməsi ilə əlaqədar vaxtında üzr istəmədiyinə görə üzr
Futbol
1730
26 Sentyabr , 2021 09:25
Pele Messidən üzr istəyib
Lionel Messi və Pele

Braziliyalı üçqat dünya çempionu Pele Argentina yığmasının və Fransanın PSJ klubunun futbolçusu Lionel Messidən şəxsi rekordunu üstələməsi ilə əlaqədar vaxtında təbrik etmədiyinə görə üzr istəyib.

"Report" xəbər verir ki, bu barədə Pele özünün instaqramdakı hesabında yazıb.

"Messi, salam. Gecikdimsə, bağışla. Ancaq mən səni bu ayın əvvəlində üstələdiyin daha bir rekord münasibətilə təbrik etmək imkanını qaçırmaq istəmirdim. Sənin dahi istedadın var. Ümid edirəm, dostlarım Mbappe və Neymarla birlikdə daha çox uğura nail ola biləcəksən", - Pele sosial şəbəkədə yazıb.

Qeyd edək ki, Lionel Messi Argentina yığmasının 2022-ci il dünya çempionatının seçmə mərhələsinin Boliviyaya qarşı Buenos-Ayresdə keçirilmiş matçında hər 3 qolu vurub - 3:0. O, braziliyalı üçqat dünya çempionu Pelenin Braziliya milli komandasının heyətində vurulan qolların sayı üzrə rekordunu üstələyib. 34 yaşlı hücumçunun aktivində Argentina millisinin heyətində 79, Peledə isə 77 qol var.

Messi daha əvvəl bildirib ki, Pelenin rekordunu üstələməyi arzulayır.

Son xəbərlər

Orphus sistemi