Paraqvay millisi baş məşqçisi ilə yollarını ayırıb

Futbol üzrə Paraqvay millisi baş məşqçisi Eduardo Berisso ilə yollarını ayırıb.

"Report" Paraqvay Futbol Assosiasiyasının rəsmi saytına istinadən xəbər verir ki, 62 yaşlı mütəxəssisin müqaviləsinə qarşılıqlı razılıq əsasında xitam verilib.

Yığma ötən gün 2022-ci il dünya çempionatının seçmə oyununda Boliviyaya 0:4 hesabı ilə uduzub.

Qeyd edək ki, Paraqvay millisi Cənubi Amerika zonası üzrə seçmə mərhələdə 12 oyundan sonra 12 xalla 8-ci pillədə qərarlaşıb.