"Neftçi" "Zirə" ilə görüşdə məğlub olub

Futbol üzrə Azərbaycan Premyer Liqasında II tura yekun vurulub.

"Report"un məlumatına görə, turun sonuncu matçında "Zirə" "Neftçi"ni qəbul edib. Qarşılaşma meydan sahiblərinin 1:0 hesablı qələbəsi ilə yekunlaşıb.

27-ci dəqiqədə komandanın kapitanı Cavid Hüseynov fərqlənib.

Bu nəticədən sonra "Zirə"nin üç, "Neftçi"nin isə bir xalı var.

Qeyd edək ki, II turun əvvəlki üç qarşılaşmasında "Səbail" səfərdə "Sumqayıt"ı, "Qarabağ" evdə "Qəbələ"ni darmadağın edib - 3:0. "Sabah" isə öz meydanında "Keşlə"yə uduzub - 0:1.