"Neftçi" yoxlama oyununda "Keşlə"ni darmadağın edib

"Neftçi" və "Keşlə" komandaları yoxlama oyununda üz-üzə gəliblər.

"Report"un məlumatına görə, qarşılaşma "Türk Hava Yolları Futbol Mərkəzi"nda baş tutub.

Matç "ağ-qaralar"ın 4:0 hesablı qələbəsi ilə yekunlaşıb. "Neftçi"nin qollarını 28-ci dəqiqədə Yusuf Laval, 47 və 76-cı dəqiqələrdə Roman Maçado, 52-ci dəqiqədə isə Xəyal Nəcəfov vurub.

Son ölkə çempionu noyabrın 20-də Azərbaycan Premyer Liqasının XI turunda "Sabah"ı qəbul edəcək. "Keşlə" isə noyabrın 19-da "Qarabağ"ın qonağı olacaq.