"Neftçi" yeni baş məşqçisini açıqladı

"Neftçi”nin baş məşqçi vəzifəsinə yeni təyinat olub.

"Report" paytaxt təmsilçisinin rəsmi saytına istinadən xəbər verir ki, klubun Müşahidə Şurasının qərarı ilə komanda Samir Abasova həvalə olunub.

42 yaşlı mütəxəssislə 2021/2022-ci illər mövsümünün sonunadək müqavilə imzalanıb.

Qeyd edək ki, Samir Abasov 2003/2004 mövsümündə "Neftçi”də çıxış edib, Azərbaycan çempionatının və kubokunun qalibi olub. O, baş məşqçi kimi "Sumqayıt” (2015-2018) və "Zirə” (2018-2019) klublarında çalışıb.