"Neftçi" Avstriyada "Rapid"ə qarşı keçirəcəyi UEFA Konfrans Liqasının III təsnifat mərhələsinin cavab oyunu öncəsi son məşqinə çıxıb.
"Report"un Vyanaya ezam olunmuş əməkdaşı xəbər verir ki, "Allianz" stadionunda baş tutan hazırlıq prosesinin ilk 15 dəqiqəsi media nümayəndələri üçün açıq olub.
Qeyd edək ki, avqustun 11-də oynanılacaq matç Bakı vaxtı ilə saat 22:30-da başlayacaq. İlk qarşılaşmada "Neftçi" 2:1 hesabı ilə qalib gəlib.