"Neftçi"nin sabiq prezidenti UEFA-dan təyinat alıb

Bakı. 18 avqust. REPORT.AZ/ "Neftçi" futbol klubunun sabiq prezidenti Orxan Hüseynzadə Avropa Liqasının oyununa təyinat alıb.

"Report"un məlumatına görə, O.Hüseynzadə avqustun 23-də Ukraynada “Zarya” və Almaniyanın “Leyptsiq” komandaları arasında keçiriləcək pley-off mərhələsinin ilk matçında UEFA nümayəndəsi olacaq.

Qeyd edək ki, Orxan Hüseynzadə "Neftçi"nin prezidenti vəzifəsindən fevralın 16-da istefa verib. Hazırda kluba Kamran Quliyev rəhbərlik edir.