"Neftçi"nin sabiq prezidenti "Qurd qapısı" qəbiristanlığında dəfn olunacaq

"Neftçi"nin sabiq prezidenti "Qurd qapısı" qəbiristanlığında dəfn olunacaq Ötən gün koronavirusdan dünyasını dəyişən "Neftçi" klubunun sabiq prezidenti Aydın İbrahimov sabah dəfn olunacaq.
Futbol
317
3 Sentyabr , 2021 19:46
Neftçinin sabiq prezidenti Qurd qapısı qəbiristanlığında dəfn olunacaq
Aydın İbrahimov

Sentyabrın 3-ü gecə saatlarında koronavirusdan dünyasını dəyişən "Neftçi" klubunun sabiq prezidenti Aydın İbrahimov sabah dəfn olunacaq.

Bu barədə "Report"a mərhumun nəvəsi Nərminə Məmmədova məlumat verib.

Onun sözlərinə görə, İbrahimov saat 12:00-da Bakının "Qurd qapısı" qəbiristanlığında torpağa tapşırılacaq.

Qeyd edək ki, Aydın İbrahimov 1988-97-ci illərdə paytaxt təmsilçisinin prezidenti olub.

A.İbrahimov güləş üzrə iki dəfə dünya çempionatında qızıl medal qazanıb. O, 1963-cü ildə Bolqarıstanda, 1966-cı ildə isə Almaniyada dünya çempionu adına yiyələnib. İbrahimov 1964-cü ildə Yaponiyanın paytaxtı Tokioda keçirilmiş Yay Olimpiya Oyunlarında bürünc medala sahib çıxıb. Nailiyyətlərinə görə SSRİ-nin əməkdar idman ustası, əməkdar məşqçi, beynəlxalq dərəcəli hakim adlarını alıb. O, dünya güləş idman növünün inkişafındakı xidmətlərindən dolayı qızıl medalla təltif edilib. A.İbrahimov bir müddət futbol sahəsində də çalışıb, 1988-1997-ci illərdə “Neftçi” klubunun ilk prezidenti olub.

Prezident İlham Əliyev 2019-cu ilin sentyabrında Aydın İbrahimova Azərbaycan Respublikası Prezidentinin fərdi təqaüdünün verilməsi haqqında sərəncam imzalayıb.

Son xəbərlər

Orphus sistemi