"Neftçi"nin legioneri Haiti milli komandasına dəvət olunub

Bakı. 27 sentyabr. REPORT.AZ/ "Neftçi” klubunun futbolçusu Soni Mustivar Haiti milli komandasına dəvət olunub. 

"Report" klubun saytına istinadən xəbər verir ki, 28 yaşlı yarımmüdafiəçi CONCACAF Milli Liqasında oktyabrın 13-də baş tutacaq Sent-Lusia ilə oyun üçün yığmaya çağırılıb. 

O, oktyabrın 6-dan 15-dək Haiti millisinin düşərgəsində olacaq. 

Qeyd edək ki, Soni Mustivar 2013-cü ildən çıxış etdiyi Haiti milli komandasının heyətində 12 oyun keçirib, 1 qol vurub.