"Neftçi"nin futbolçusu "Olimpiakos"la oyunda zədələnib

"Neftçi"nin futbolçusu Ömər Buludov Yunanıstan "Olimpiakos"una qarşı UEFA Çempionlar Liqasının cavab oyununda zədələnib.

"Report"un məlumatına görə, 23 yaşlı müdafiəçi bu səbəbdən matçın 30-cu dəqiqəsində meydanı tərk edib. Onu Mirabdulla Abbasov əvəzləyib.

Qeyd edək ki, hazırda qarşılaşmada birinci hissə oynanılır və "ağ-qaralar" minimal hesabla uduzur - 0:1.