"Neftçi"nin baş məşqçisi: "Limitlə bağlı danışdım, hamı təzyiq etdi"

"Neftçi"nin baş məşqçisi AFFA İcraiyyə Komitəsinin qərarlarına münasibə bildirib.

"Report"un məlumatına görə, 44 yaşlı mütəxəssis qərarlarla tam tanış olmadığını söyləyib.

O, hər zaman limitə qarşı olduğunu söyləyib: "O vaxt da fikirləşirdim ki, bu, inkişafa mane olur. Həmin ərəfədə 2-3 jurnalisti çıxmaq şərti ilə, heç kim mənim fikrimlə razılaşmadı. Əməlli-başlı təzyiq oldu. İndi isə "Niyə limit ləğv olunmur" sualı verilir. Bu suallardan, qərarlardan danışası deyiləm. Bir dəfə fikir bildirdim, hamının patriotluğunu gördüm".