"Neftçi" İlkin Qırtımovla rəsmi müqavilə bağlayıb

Bakı. 9 yanvar. REPORT.AZ/ "Neftçi” klubu heyətinə yeni futbolçu cəlb edib.

"Report"un klubun rəsmi saytına istinadən verdiyi məlumata görə, müdafiəçi İlkin Qırtımovla növbəti mövsümün sonunadək müqavilə bağlanılıb.

27 yaşlı oyunçu daha əvvəl "Keşlə" və artıq fəaliyyətini dayandırmış "Simurq"da çıxış edib. O, qapıçı Aqil Məmmədovdan sonra flaqmanın sayca ikinci qış transferidir. 

Qeyd edək ki, İlkin Qırtımov Azərbaycan milli komandasının heyətində 5 oyun keçirib.