Bakı. 5 iyul. REPORT.AZ/ İtaliyanın "Napoli" klubu İspaniya "Betis"inin futbolçusu Fabian Ruisi heyətinə qatıb.
"Report" klubun "Twitter" səhifəsinə istinadən xəbər verir ki, Neapol təmsilçisi 22 yaşlı yarımmüdafiəçi ilə 5 illik müqavilə imzalayıb. İspaniyalı futbolçu yeni klubunda illik 1,8 milyon avro qazanacaq. "Napoli" bu transfer üçün İspaniya təmsilçisinə 30 milyon avro ödəyib.
Qeyd edək ki, Fabian Ruis 2014-cü ildən "Betis"də çıxış edir. O, komandanın heyətində 35 oyuna 3 qol vurub.