Namik Ələskərovun komandası azarkeşlərin hücumuna məruz qalıb

Azərbaycan millisinin futbolçusu Namik Ələskərovun çıxış etdiyi "Bursaspor" komandası azarkeşlərin hücumuna məruz qalıb.

"Report" Bursa təmsilçisinin rəsmi tviter hesabına istinadən xəbər verir ki, hadisə "timsahlar"ın səfərdə "Kocaelispor"a 1:2 hesabı ilə uduzduqları TFF 1-ci liqasının XII tur oyundan əvvəl baş verib.

Fanatlar avtobusu stadiona daxil olarkən təpikləməyə başlayıb. Bundan əlavə, tərəfdarlar avtobusa butulkalar da atıblar.

Qeyd edək ki, "Bursasspor"un yeganə qolunu 60-cı dəqiqədə penaltidən Namik Ələskərov vurub.