"Monako" futbol komandası Fransa çempionatının 23-cü turunun matçında "Anje"yə 1:0 hesabı ilə qalib gəlib.
“Report” xəbər verir ki, görüş Fonveydə, "LuiII" stadionunda olub.
Qarşılaşmada yeganə qol birinci hissədə vurulub. Matçın 18-ci dəqiqəsində Stefan Yovetiç hesabı açıb.
"Monako" 32 xal yığaraq Fransa milli çempionatının yarış cədvəlində 9-cu yerə yüksəlib. "Anje" 30 xalla 13-cü yerdə qərarlaşıb.
Qeyd edək ki, "Monako” növbəti turda səfərdə "Amyen”lə görüşəcək. Matç fevralın 8-də olacaq.