Miloş Velebit Premyer Liqa klublarının koordinatorları ilə görüşüb

Bakı Olimpiya Stadionunun iclas zalında Premyer Liqada iştirak edən klubların futbol akademiyalarının koordinatorlarının və məşqçilərinin iştirakı ilə görüş keçirilib.

"Report" AFFA-nın saytına istinadən xəbər verir ki, görüşdə aşağı yaş qruplarından ibarət Azərbaycan milli komandalarının koordinatoru Miloş Velebit çıxış edərək yeni mövsüm ilinin başlanması ilə əlaqədar görüləcək işlərlə bağlı məlumat verib.

Daha sonra AFFA-nın təşkil etdiyi uşaq və gənclər liqaları ilə bağlı müzakirələr aparılıb, aşağı yaş qrupuna aid milli komandaların planları açıqlanıb.