Millimizin sabiq futbolçusu pula görə klubundan ayrılır

"Sumqayıt"ın sabiq futbolçusu Əli Babayev hazırda çıxış etdiyi İsrailin "Makkabi" (Petah-Tikva) komandasından ayrılmağa hazırlaşır.

"Report" "One" nəşrinə istinadən xəbər verir ki, səbəb 30 yaşlı yarımmüdafiəçi ilə klub rəhbərliyi arasında yaranmış fikir ayrılığıdır.

Klubu Babayevin maaşını azaltmaq istəsə də, təcrübəli oyunçu bundan imtina edib. Nəticədə tərəflər arasında münasibətdə soyuqluq yaranıb.

Qeyd edək ki, 2018-ci ildə "Sumqayıt"da çıxış etmiş Əli Babayev Azərbaycan millisinə də dəvət alıb.