Millimizin qapıçısı koronavirusa yoluxdu

Azərbaycan milli komandasının və "Sumqayıt"ın oyunçusu Mehdi Cənnətovun Premyer Liqanın XI turunda "Qəbələ" ilə oyunun iştirak ərizəsinə salınmamasının səbəbi məlum olub.

"Report"un əldə etdiyi məlumata görə, 28 yaşlı qapıçıda koronavirus aşkarlanıb. Təcrübəli qolkiper karantinə alınıb.

Cənnətov yığmanın son toplanışında zədə səbəbindən iştirak etməyib.

Qeyd edək ki, daha əvvəl "Sumqayıt"ın yarımmüdafiəçisi Səbuhi Abdullazadə virusa yoluxub.