Millimizin futbolçusu Ukrayna klubunda rəmzi komandaya düşdü

Ukraynanın "Dnepr" klubunun yetişdirdiyi ən yaxşı futbolçulardan ibarət rəmzi komanda bəlli olub. 

"Report" "Sport.ua" saytına istinadən xəbər verir ki, siyahıda Ukrayna "Aleksandriya"sında çıxış edən Azərbaycan millisinin müdafiəçisi Pavel Paşayev də yer alıb. 

32 yaşlı oyunçu "Dnepr"in yetişdiyi ən yaxşı sol cinah müdafiəçisi hesab edilib. 

Qeyd edək ki, Pavel Paşayev 2017-ci ildən "Aleksandriya"da çıxış edir. O, 16 yaşında "Dnepr"in akademiyasına keçib.

Paşeyev 2008 - 2014-cü illərdə əsas komandada 24 matça çıxıb və bu müddət ərzində müxtəlif klublara icarəyə verilib.