Millimizin baş məşqçisi: "Sabah Ronaldunun "ev"ində oynayacağıq"

Millimizin baş məşqçisi: "Sabah Ronaldunun "ev"ində oynayacağıq" İlk oyunumuz qrupun güclü komandasına qarşı olacaq
Futbol
187
23 Mart , 2021 21:53
Millimizin baş məşqçisi: Sabah Ronaldunun evində oynayacağıq
Canni De Byazi

"İlk oyunumuz qrupun güclü komandasına qarşı olacaq. Yaxşı, gənc futbolçulardan təşkil olunmuş komandamız var. Hər biri keyfiyyətli, bizim üçün dəyərli oyunçulardır. Daha çox birlikdə oynamalıyıq. Bizə vaxt lazımdır".

"Report"un məlumatına görə, bu fikirləri Azərbaycan millisinin baş məşqçisi Canni De Byazi DÇ-2022-nin seçmə mərhələsinin Portuqaliya ilə oyunu öncəsi mətbuat konfransında deyib.

İtaliyalı mütəxəssis rəqibin daha təcrübəli olduğunu bildirib: "Məşqlərdə üzərində çalışdıqlarımızı meydanda yerinə yetirməklə ilk xalımızı qazanmağa çalışacağıq. Portuqaliya yığması ilə oyunda onlara boşluq verməməliyik. Onların nəyə qadir olduqlarını bilirik. Oyunda passiv olmamalıyıq, qorxmamalıyıq. Bizim üçün çox çətin imtahan olacaq. Meydanda istədiyimizi reallaşdırsaq, yaxşı oyun nümayiş etdirə bilərik".

65 yaşlı baş məşqçi matçın maraqlı keçəcəyini söyləyib: "Sabah Ronaldunun “evində” oynayacağıq. Taktiki baxımdan maraqlı oyun olacaq. Necə hazırlaşdığımızı sabahkı oyunda görəcəyik".

Qeyd edək ki, martın 24-də İtaliyanın Turin şəhərindəki "Yuventus" stadionunda keçiriləcək Portuqaliya - Azərbaycan matçı Bakı vaxtı ilə saat 23:45-də start götürəcək.

Son xəbərlər

Orphus sistemi