KİV: Leonardo "Milan"ın baş məşqçisi təyin oluna bilər

Bakı. 28 dekabr. REPORT.AZ/ İtaliyanın “Milan” klubunun idman direktoru Leonardo Araujo komandanın baş məşqçisi təyin oluna bilər.

“Report” “Sportmediaset” portalına istinadən xəbər verir ki, Cennaro Qattuzo postundan uzaqlaşdırılacağı halda, braziliyalı mütəxəssis məşqçi karyerasını bərpa edəcək. Leonardo daha əvvəl 2009/2010 mövsümündə “Milan”ın baş məşqçisi olub. O, həminin İtaliyanın “İnter” və Türkiyənin “Antalyaspor” komandasında çalışıb.

Qeyd edək ki, ardıcıl 5 oyundur qələbə qazana bilməyən “Milan” İtaliya A seriyasından 18 turdan sonra 28 xalla 6-cı pillədə qərarlaşıb.